АКИpress - 26-ноябрда Бишкек шаарындагы «Ынтымак ордодо» Кыргызстандын президенти Садыр Жапаров менен Россиянын президенти Владимир Путиндин расмий жолугушуу аземи өттү.
Сүйлөшүүлөрдүн жыйынтыгында эки өлкөнүн башчылары басма сөз үчүн билдирүү жасашты.
«Биздин иш-сапардын алдында Бишкек шаарында Евразиялык орус тили жана маданият борбору ачылып, Кыргызстанда орус тилиндеги жаңы телеканал — “Номад ТВ” өз ишин баштаганы маанилүү символикалык окуя болду», — деди Путин өз сөзүндө.
Владимир Путин өз кайрылуусунда Россия Кыргызстанда орус тили Конституция боюнча расмий макамга ээ болуп, өлкө боюнча кеңири жана эркин колдонулушун жогору баалай турганын белгиледи.